ڪشنچند بيوس
سندس پورو نالو ڪشنچند تيرٿداس کتري ھو. ”بيوس“ تخلص ھئس. 1885ع ۾ لاڙڪاڻي ۾ جنم ورتائين. ھن سنڌي شعر لاءِ ھڪ نئي واٽ گھڙي. بيوس ھڪ مثالي استاد ھو. ھن ٻارن لاءِ بيحد خوبصورت گيت ۽ نظم لکيا. سندس مزاج ۾ سادگي ۽ نماڻائي ھئي. ڪشنچند بيوس 23 سيپٽمبر 1947ع تي لاڏاڻو ڪري ويو . ڪشنچند بيوس چوي ٿو ته: ڪڙمي جي آس تنهنجي دردن جي ھينئر آھي پڄاڻي ڪڙمي ! تنهنجي سورن جي اچي ويل وھاڻي، ڪڙمي ! اي ڪڙمي! تنهنجا ڏک ھاڻي ختم ٿيڻ وارا آھن ۽ تنهنجي سورن جو به وقت اچي پورو ٿيو آھي . لاڀ ھن ڪار جي تون نيڪ نتيجن مان وٺين، جي رکين چاھ چٽو، سمجھ سياڻو، ڪڙمي ! اي ڪڙمي! جيڪڏھن تون ھن ڪم جي نيڪ نتيجن مان چٽو فائدو حاصل ڪرڻ چاھين ٿو ته تون گھڻو چاھ پنهنجي ڪم سان رک ته توکي سمجھدار سمجھيو ويندو . علم سان پاڻ سڌارڻ تي اگر چاھ رکين، ھوند حالت نه رھي تنهنجي نماڻي ڪڙمي ! اي ڪڙمي! جيڪر تون علم حاصل ڪري پاڻ کي سڌارين ۽ علم سان چاھت رکين ته پوءِ تنهنجي حالت اھڙي نماڻي نه رھي . خاص کيتيءَ سندا اوزار نوان ٿيا ايجاد، ڏيندو ٻج ڀاڻ نئون جام ڪمائي، ياد رک ! اي ڪڙمي! ھيءَ ڳالھ