جسم جي زڪوات روزو آهي

احڪامِ روزه

مؤلف

حضرت مولانا مفتي نعيم الله هاليجوي غفرله

--------

جسم جي زڪوات روزو آهي

-------

ارشاد نبوي ﷺ آهي:

لِکُلَّ شَیءٍ زَکواۃٌ وَزَکَاۃُ الۡجَسَدِ اَلَصَّوۡمُ۔ (سنن ابن ماجۃ کتاب الصیام باب فی الصوم زکواۃ الجسم ص 126۔ معجم کبیر للطبرانی حدیث 2386)

هن حديث شريف ۾ روزي کي جسم جي زڪوات چيو ويو آهي. 

زڪوات جو مفهوم آهي ”وڌڻ ۽ طهارت“ ۽ هر شئي جي لاءِ پاڪيزگي ۽ طهارت جو هڪ ذريعو مقرر آهي جنهن جي ڪري اها شئي پاڪيزه ۽ طاهر ٿيندي آهي.

لهذا بدن ۽ جسم جي زڪوات يعني بدن جي جسماني صحت ۽ تندرستي ۽ بدن جي روحاني پاڪيزگي و طهارت جو ذريعو روزو آهي. روزي جي ڪري اگرچه بظاهر جسم جي طاقت ۽ قوت جو ڪجهه حصو ڪمزور و ناقص ٿي ويندو آهي مگر حقيقت ۾ روزو جسم جي نشوونما ۽ صحت و تندرستيءَ ۾ برڪت ۽ اضافي جو هڪ ذريعو بڻجندو آهي ۽ روزي جي ڪري جسم گناهن کان پاڪ ٿي ويندو آهي لهذا زڪوات مالي عبادت آهي ۽ روزو بدني ۽ جسماني ۽ روحاني عبادت آهي.

فهرست  Index