ليلة القدر جي معنيٰ ڇا آهي؟
احڪامِ روزه
مؤلف
حضرت مولانا مفتي نعيم الله هاليجوي غفرله
--------
ليلة
القدر جي معنيٰ ڇا آهي؟
-------
لفظ قَدر جي هڪ معنيٰ عظمت ۽ شرف جي آهي، انهيءَ رات کي ليلة القدر
چوڻ جي وجه انهيءَ رات جي عظمت ۽ شرف آهي. ۽ ان لفظ جي ٻي معنيٰ تقدير ۽ حڪم به
ايندي آهي، انهيءَ معنيٰ جي اعتبار سان ليلة القدر چوڻ جي وجه هي هوندي ته انهيءَ
رات ۾ تمام مخلوق جي لاءِ جيڪو ڪجهه تقدير ازلي ۾ لکيل آهي ان جو جيڪو حصو هن سال
۾ هن رمضان شريف کان ٻئي رمضان المبارڪ تائين پيش اچڻ وارو آهي اهو انهن فرشتن جي
حوالي ڪيو ويندو آهي جيڪي ڪائنات جي تدبير ۽ تنفيذ جي معاملن تي مقرر آهن، ان ۾ هر
انسان جي عمر ۽ موت ۽ رزق ۽ بارش وغيره جي مقدار مقرر فرشتن کي لکرائي ويندي آهي
ايتري قدر جو جنهن شخص کي هن سال ۾ حج نصيب هوندو اهو به لکيو ويندو آهي.
Comments
Post a Comment