Sindh Digital Readers

تفسير سورة نباء – تفسير عزيزي ﷽ عَنِ النَّبَإِ الْعَظِيمِ ﴿٢﴾ پڇن ٿا ان وڏي خبر جي باري ۾ جڏهن ڳالهه جو بنياد سوال جواب تي رکيو ۽ جواب بلڪل ظاهر ۽ پڌرو هو تنهن ڪري خود ئي فرمايائين ته ” عن النباء العظيم“ ته پاڻ ۾ هڪ وڏي خبر جي باري ۾ پڇا ڪن ٿا. حقيقت هيءَ آهي ته اها خبر پنهنجي مٿي ذاتي اعتبار سان به تمام وڏي آهي ته جيڪي شيون ان ۾ ٿينديون اهي گهڻيون هولناڪ آهن. انهن کي نڪي ڪا اک ڏسڻ جي طاقت رکي ٿي ته ڪن ٻڌڻ جي سگهه رکن ٿا ۽ سمجهه جي اعتبار سان به تمام وڏي آهي ته ڪنهن بشري عقل کي طاقت ڪونهي ته هن جي حقيقت کي پوري طرح سمجهي سگهي.

تفسير سورة نباء – تفسير عزيزي ﷽ عَمَّ يَتَسَاءلُونَ ﴿١﴾ ماڻهون هڪ ٻئي کان ڪهڙي ڳالهه پڇن ٿا . ·       ڪهڙي شئي جي باري ۾ هڪ ٻئي کان پڇن ٿا ڇا اها شئي پڇڻ جهڙي آهي؟ ·       ڇا هن کي سمجهڻ جي هنن ۾ قابليت آهي؟ ·       ته گهڻي پڇا ڳاڇا ڪرڻ سان انهن جي سمجهه ۾ اچي ويندي؟ ·       ڇا اها اهڙي شيءِ آهي جنهن جي باري ۾ گهڻي پڇا ڪئي وڃي! ·       يا ته اهڙي شئي آهي جنهن جي باري ۾ گهڻي پڇا ئي نه ڪرڻ گهرجي جي نه ته اصل مقصد کان دوري ٿي ويندي . قرآن مجيد جو هي انداز ته ”ڪنهن شئي جي باري ۾ پڇي رهيا آهن“. هن ۾ اشارو آهي ته عقلمند ماڻهوءَ کي سوچي سمجهي ڪنهن شئي جي تحقيق ڪرڻ گهرجي. اڳ ۾ هي ڏسي وٺي ته هيءَ ڳالهه منهنجي سمجهه ۾ اچي به سگهي ٿي يا نه. جيڪڏهن سمجهه ۾ اچي ته هٿ وجهي ورنه هيئن نه ڪري جو پوءِ محنت ئي ضايع ٿي وڃي ۽ ڪو فائدو به نه ٿئي جيئن مثال مشهور آهي ته محتنت برباد گناهه لازم . ”عم“ لفظ جي تحقيق ”عم“ جو لفظ اصل ۾ ”عما“ هو تخفيف ۽ گهڻي استعمال جي ڪري الف ڪيرايو ويو . نحوي قاعدو : عرب جو قاعدو آهي ته ”ما“ موصوله جي ”الف“ کي اٺن حرفن کان پوءِ ڪيرائي