قلندري غزل - رحمت الله پيرزادو

قلندري  غزل

رحمت الله  پيرزادو

اسان تي عشق جا جلوا، قلندر تون ڪٿي آهين،

زخم هي ڪيترا گهرا، قلندر تون ڪٿي آهين.

گلين ۾ گيت ئي ناهن، چپن تي آهي خاموشي،

سڙن ٿا رقص جا رستا، قلندر تون ڪٿي آهين.

دليون هن دام ۾ قابو، مگر پرواز آ تن ۾،

ڪڏهن دريا، ڪڏهن صحرا، قلندر تون ڪٿي آهين.

کڻي هن خاڪ جي پويان لڪائي لال آيا سي،

مٽيءَ جو مانُ آ ڇا ڇا، قلندر تون ڪٿي آهين.

اسان جي عشق ۾ اهڙو آ بي منزل نشان آيو،

نه هُو گڏ آ، نه مان تنها، قلندر تون ڪٿي آهين.