ٽيليويزن مان ڪهڙا فائدا ۽ نقصان آهن؟

ڪو وقت هو جو ماڻهو ريڊيو سڻي دل وندرائيندا هئا، پوءِ فونا آيا ماڻهو ڪيسٽ رکي چاٻي ڀريندا هئا ته چندر ۽ جيوڻي جا ڪلام ۽ ڪافيون شروع ٿي وينديون هيون. ڌيري ڌيري دنيا جون حالتون بدلجنديون ويون ۽ اسان وٽ به ٽيليويزن اچي ڪڙڪو ڪيو. ريڊيو وغيره تي آواز ٻڌبا هئا پر ٽيليويزن تي هر شيءِ اسان جي سامهون هئي.

چيو وڃي ٿو ته ٽيليويزن ٻارڙن ۽ شاگردن جي پڙهائي لکائيءَ جو ٻيڙو ٻوڙي ڇڏيو آهي ۽ نوجوانن جا ذهن بگاڙي ڇڏيا اٿس. ان ۾ ٽيليويزن جو ڏوهه ڪوبه ڪونهي، بلڪ ٽي وي اسٽيشن رکڻ وارن جو ڏوهه آهي. اهي ڀلا انڊيا جي فلمن واري اسٽيشن رکندا ته پوءِ بقول شاعر:

دل آهي ديڳڙو، زبان آهي ڏوئي، جو وجهندي نڪرندو سوئي

سو اتي علمي پروگرام شروع ڪونه ٿيندا، بلڪ اهي انڊيا جون فلمون ڏسڻ ۾ اينديون. حقيقت ۾ ٽيليويزن خراب ناهي بلڪ ڏسڻ وارا خراب آهن، ڇو ته اهي هن مان ڪهڙو فائدو وٺڻ چاهين ٿا.

آمريڪا جي هڪ ڏاهي ڊاڪٽر مائيڪل جو چوڻ آهي ته:

ٻارن لاءِ ٽيليويزن هڪ ڇپيل ڪتاب کان به بهتر آهي.

حقيقت به اها آهي ته:

·      ٽيليويزن تان تعليمي پروگرام به اچن ٿا.

·      ٽيليويزن تان اصلاحي پروگرام به اچن ٿا.

·      ٽيليويزن تان ادبي پروگرام به اچن ٿا.

·      ٽيليويزن تان اسلامي پروگرام به اچن ٿا.

·      ٽيليويزن تان تبليغي پروگرام به اچن ٿا.

     

·      ٽيليويزن تان سياسي پروگرام به اچن ٿا.

·      ٽيليويزن تان سماجي پروگرام به اچن ٿا.

·      ٽيليويزن تان تاريخي پروگرام به اچن ٿا.

·      ٽيليويزن تان تحقيقي پروگرام به اچن ٿا.

·      ٽيليويزن تان تنقيدي پروگرام به اچن ٿا.

·      ٽيليويزن تان ادبي پروگرام به اچن ٿا.

·      ٽيليويزن تان علمي پروگرام به اچن ٿا.

مطلب ٽيليويوزن ۾ هر سٺي شيءِ موجود آهي پر مسئلو ۽ معاملو اهو آهي ته اهڙا پروگرام ڪير ڏسي!