فینگ شوئی Feng shui (چینی: 風水، معنی: ہوا اور پانی)

فینگ شوئی Feng shui

(چینی: 風水، معنی: ہوا اور پانی)

جمالیات کا ایک قدیم چینی طریقہ کار ہے جس کے بارے میں لوگوں کا یقین ہے کہ اس میں جنت اور زمین (جغرافیہ) دونوں کے قوانین استعمال ہوتے ہیں اور اس کے ذریعہ مثبت چی (qi) حاصل کر کے کسی کی زندگی میں بہتری لائی جا سکتی ہے۔

·      کائنات کی ہر چیز اپنا ایک اثر رکھتی ہے۔

·      تمام مظاہر فطرت سے نکلنے والی لہریں انسانی مزاج، رویوں اور سوچ پر اثر انداز ہوتی ہے۔

·      انسان کے جسم میں توانائی کی لہریں موجزن رہتی ہیں۔ یہ برقی رو جذبات، خیالات اور عقائد پر مبنی ہیں۔

·      انسان کے جسم کی منفی و مثبت لہریں اس کے اردگرد کے ماحول اور لوگوں کو متاثر کرتی ہیں، انھیں chi energy کہا جاتا ہے۔

اسی طرح گھر کے ماحول سے بھی توانائی کا اخراج ہوتا ہے۔ اگر گھر زرخیز زمین پر بنا ہے تو وہاں صحت مند قوت موجود ہے۔ لیکن اگر گھر بنجر زمین پر واقع ہے تو وہاں لہروں کے اثرات مختلف ہوں گے۔

·      فنگ شوئی کا علم گھر، دروازوں، الماریوں اور اسٹورز میں غیر ضروری سامان کو توانائی کی رکاوٹ سمجھتا ہے۔

·      ذہن کے حوالے سے بھی کہا جاتا ہے کہ غیر ضروری سوچیں جن میں ماضی کے تکلیف دہ واقعات، ندامت اور پچھتاوے شامل ہیں ذہن کی کارکردگی کو متاثر کرتے ہیں۔

·      یہ منفی رویے ذہن کی قوت کو منجمد کر دیتے ہیں جس کی وجہ سے نئی سوچ، توانائی، خیالات اور مثبت انداز فکر کی لہریں اپنی جگہ نہیں بنا پاتیں۔

·      الجھا ہوا ذہن فیصلے کی قوت سے محروم ہو جاتا ہے اور مسائل کو حق کی تناظر میں نہیں دیکھ سکتا، اس کے لیے ضروری ہے کہ درگزر سے کام لیتے ہوئے ذہن سے تمام تر نفرتیں و کدورتیں نکال دینی چاہئیں۔

فینگشو ئی وہ علم ہے جو کسی بھی جگہ ہماری ذہنی اور جسمانی حالت میں بہتری لانے کا باعث بن سکتا ہے؟

وہ ہمارے کام کرنے کی جگہ بھی ہوسکتی ہے اور رہنے کی بھی۔

ہم فینگ شوئی  کے مطابق تبدیلیاں لا کر اپنی پیشہ ورانہ، مالی، جذباتی، گھریلو اور صحت کے مسائل کو حل کرکے ان میں بہتری لا سکتے ہیں۔

·      فنگ شوئی کا علم : ٹوٹی ہوئی اشیا سے چھٹکارا پائیں

·      فنگ شوئی کا علم : ہوا کو اندر آنے دیں

·      فنگ شوئی کا علم : بہت ساری چیزیں جمع نہ کریں

·      فنگ شوئی کا علم : سوسنِ اُمیدلگائیں

·      فنگ شوئی کا علم : نمک

·      فنگ شوئی کا علم : شیشوں سے سجاوٹ کریں

·      فنگ شوئی کا علم : شمال کی جانب رُخ کریں

·      فنگ شوئی کا علم : گھر کے داخلے راستے کی اہمیت

·      فنگ شوئی کا علم : اگربتی اور اچھی خوشبوئیں

·      فنگ شوئی کا علم : صفائی ستھرائی کریں

فنگ شوئی کا علم : ٹوٹی ہوئی اشیا سے چھٹکارا پائیں

فینگ شوئی  کا فلسفہ اِس بات پر یقین رکھتا ہے کہ تمام ٹوٹی ہوئی اشیا کو پھینک دینا چاہیے کیونکہ یہ منفی توانائی لاتی ہیں یا مثبت توانائی کا راستہ روکتی ہیں۔ اگرچہ آپ ان کو تبدیل یا مرمت کرواسکتے ہیں، مگر اس فلسفے کے مطابق بہتر یہ رہتا ہے کہ آپ ان کو پھینک دیں اور نئے سرے سے شروعات کریں۔ کبھی کبھار یہ عمل پیچیدہ یا مشکل ہوتا ہے لیکن اگر آپ کے پاس کچھ ایسی سجاوٹی اشیا ہیں جو کہ ٹوٹ چکی ہیں تو ان کو پھینک دیں۔

فنگ شوئی کا علم : ہوا کو اندر آنے دیں

تازہ ہوا کے لیے روزانہ کھڑکیوں کو کھولنا صحت و صفائی سے بڑھ کر ہے۔ یہ عمل گھر کو تازہ دم کرنے کے لیے بنیادی عنصر ہے۔ موسم ِ سرما میں بھی آپ کو کھڑکیوں کو روزانہ کھولنا چاہیے۔ پردے اور جھلملیاں (بلائنڈز) ہٹا کر سورج کی روشنی اور ہوا کو اندر آنے دیں۔ تازہ ہوا آپ کے گھر سے منفی توانائی کو ساتھ لے جاتی ہے۔

فنگ شوئی کا علم : بہت ساری چیزیں جمع نہ کریں

ہمیں چیزیں اکٹھی کرنے کی عادت ہوتی ہے کیونکہ ہم ان کو اپنے آپ سے جدا کرنا نہیں چاہتے۔ لیکن ہم ایسا کیوں کرتے ہیں؟ یہ صرف چیزیں ہیں، جو کہ ہمارے سامنے ہیں، یہ جذبات اور گھر کی روحانیت کا رستہ روک سکتی ہیں۔ جب ہم ایک منظم گھر کی تصویر دیکھتے ہیں، جہاں ہر چیز اپنی جگہ پر موجود ہوتی ہے، بغیر کسی بد نظمی کے تو ہمیں مثبت توانائی اور سکون ملتا ہے۔ کیا آپ کو نہیں ملتا؟ آپ اس کا جواب بخوبی جانتے ہیں۔

فنگ شوئی کا علم : سوسنِ اُمیدلگائیں

پودے اور پھول ازخود تازہ دم کرنے والی توانائیاں ہیں، اس لیے ان کو گھر کا حصہ بنانا بہت ضروری ہے۔ اگرآپ گھر میں سوسن ِ اُمید بھی رکھ لیں گے تو اس کا آپ کو فائدہ ملے گا، خاص طور پر اگر آپ کے گھر میں نمی یا لیکیج کا مسئلہ ہے، کیونکہ اس پودے کو سورج کی روشنی کی زیادہ ضرورت نہیں ہوتی اوریہ مثبت توانائی کو اپنی طرف متوجہ کرتا ہے۔ اس کی دیکھ بھال بھی آسان ہے۔

فنگ شوئی کا علم : نمک

اگر آپ کسی نئی جگہ منتقل ہورہےہیں خصوصاً ایک ایسی جگہ جہاں پہلے بھی لوگ رہائش پذیر رہ چکے ہوں تو فینگ شوئی  یہ تجویز کرتا ہے کہ آپ گھر کے ہر کونے میں نمک کی ایک ایک چٹکی پھیلادیں۔ کھانے پینے کا یہ جزو پُرانے مکینوں کی منفی توانائی کوجذب کرلے گا۔ نمک ڈالنے کے48گھنٹوں کے بعد اسے پھینک دیں۔

فنگ شوئی کا علم : شیشوں سے سجاوٹ کریں

اگر آپ کے گھر میں شیشے نہیں ہیں تو مزید وقت ضائع نہ کریں اور اپنے گھر میں شیشے لگائیں۔ اس کی وجہ یہ ہے کہ شیشے مثبت توانائی کو اپنی جانب کھینچتے ہیں اور ٹھیک سے سوچنے میں آپ کی مدد کرتے ہیں۔ یہ سجاوٹ کے لیے بھی بہت بہترین رہتے ہیں کیونکہ یہ روشنی کو منعکس کرتے ہیں اور کسی بھی جگہ کو بڑا لگنے میں مدد کرتے ہیں۔ یہ بہت سارے انداز اور ڈیزائن میں دستیاب ہیں۔ لیکن یہ مت بھولیں کہ آپ کو انھیں لگانےکے لیے درست جگہ کا انتخاب کرنا ہوگا۔ ان کو گھر کے مرکزی دروازے یا خواب گاہ کے دروازے کے سامنے نہیں لگانا چاہیے، کیونکہ یہ مثبت توانائی کا راستہ بدل دیتے ہیں۔

فنگ شوئی کا علم : شمال کی جانب رُخ کریں

ہمیں ہمیشہ شمال کی طرف دیکھنا چاہیے۔ پڑھائی، نیند یا کام کرتے وقت ہمارے سر کا رُخ ہمیشہ شمال کی طرف ہونا چاہیے۔ فینگ شوئی  کا کہنا ہے کہ اس سے توازن بہتر رہتا ہے کیونکہ ہم کائنات کی توانائی کے ساتھ ہم آہنگی میں چل رہے ہوتے ہیں۔ غالباً اب وقت آگیا ہے کہ آپ اپنے گھر کے فرنیچر کا رُخ شمال کی جانب کردیں۔ اس طرح آپ گھر کی ترتیب اور آرائش کو ایک نیا رنگ بھی دے دینگے اور مثبت توانائی کو بھی اپنے گھر کی جانب متوجہ کرلیں گے۔

فنگ شوئی کا علم : گھر کے داخلے راستے کی اہمیت

مثبت توانائی کو گھر کے داخلی راستے سے شروع ہونا چاہیے۔ خاص طور پر اگر یہ جگہ تنگ ہو تو یہاں شیشہ لگانا نہ صرف جگہ کو روشن اور بڑا لگنے میں مدد دے گا بلکہ گھر کے آغاز سے ہی مثبت توانائی کا سلسلہ شروع ہوجائے گا۔ اسکے علاوہ داخلی راستے پر آرائشی اشیا اور پھول وغیرہ رکھیں تاکہ اس سے ایک اچھا احساس آئے اور دیکھنے میں بھی بھلا لگے۔ گھر کے بیرونی داخلی راستے کو بھی صاف ستھرا رکھیں۔

فنگ شوئی کا علم : اگربتی اور اچھی خوشبوئیں

اگر بتی کی کئی خوشبوئیں دستیاب ہیں ۔ گھر کو اگر بتی کی کسی اچھی سی خوشبو سے معطر کرنے سے ماحول کی مجموعی توانائی اور سکون میں اضافہ ہوگا۔ اس کے علاوہ آپ خوشبودار موم بتیاں یا ائیر فریشنر بھی استعمال کر سکتے ہیں۔ ان سے گھر زیادہ خوشگوار اورآرام دہ لگے گا۔

فنگ شوئی کا علم : صفائی ستھرائی کریں

باقاعدگی سے صفائی کرنا گھر میں منفی توانائی کو روکنے اور گھر والوں کی مجموعی صحت و سلامتی کے لیے ضروری ہے ۔ گھر کی صفائی، جھاڑ پونچھ، برتن دھونے اور غسل خانوں کی صفائی پر خصوصی توجہ دیں۔ کھانے کے بعد سالن اورمختلف غذائی اشیا والے برتن سِنک پر نہ چھوڑیں، بہتر یہ ہے کہ انھیں فوراً دھولیں۔ اس کے علاوہ واش روم کے دروازے کو ہمیشہ بند رکھیں۔

فنگ شوئی کی خاص بات آپ اپنی زندگی سے کیا چاہتے ہیں؟

اگر انسان وقت پر جان لے کہ وہ کیا چاہتا ہے تو منزل کی طرف جانے والے راستے واضح ہوتے چلے جاتے ہیں۔ مقصد کا یقین کرنا بالکل اسی طرح ہے جیسے عمارت بناتے وقت اس کی بنیاد ڈالی جائے۔

فنگ شوئی کی خاص بات زندگی اور رشتوں کو بہتر بنانا ہے۔

زندگی اور رشتوں میں اس وقت بہتری آتی ہے جب انسان کی شخصیت میں سچائی سنجیدگی اور لچک ہوتی ہے۔ فنگ شوئی کا نقطہ نظر یہ ہے کہ دوسروں کو بدلنے کے بجائے خود کو بدلنے کی کوشش کرنی چاہیے اور اپنی سوچیں دوسروں پر مسلط کرنے کے بجائے مدمقابل کو اظہار کی آزادی کا موقع دینا چاہیے۔ رشتے برداشت، رواداری، درگزر، سچائی، قربت اور تحفظ فراہم کرنے سے مضبوط ہوتے ہیں۔