مُحرم جي عام ڏينهن ۾ روزن جي فضيلت
احڪامِ روزه
مؤلف
حضرت مولانا مفتي نعيم الله هاليجوي غفرله
--------
مُحرم جي عام ڏينهن ۾ روزن جي فضيلت
-------
ارشاد نبوي ﷺ آهي:
عَنْ أَبِي هُرَيْرَةَ رضى
الله عنه قَالَ قَالَ رَسُولُ اللَّهِ
صلى الله عليه وسلم أَفْضَلُ الصِّيَامِ بَعْدَ رَمَضَانَ شَهْرُ اللَّهِ
الْمُحَرَّمُ وَأَفْضَلُ الصَّلاَةِ بَعْدَ الْفَرِيضَةِ صَلاَةُ اللَّيْلِ (مسلم
شریف کتاب الصوم باب فضل صوم المحرم ج 1 ص 368)
”حضرت ابوهريرة رضھ کان روايت آهي ته پاڻ ڪريم ﷺ جن فرمايو ته رمضان
المبارڪ جي روزن کان پوءِ بهترين روزا الله پاڪ جي مهيني يعني محرم الحرام جي
مهيني جا روزا آهن ۽ فرض نماز کان پوءِ سڀ کان بهترين نماز رات (يعني تهجد) جي
نماز آهي.“
هن حديث شريف ۾ محرم الحرام جي مهيني جي نسبت الله پاڪ جي طرف ڪئي
وئي آهي ان سان هن مهيني جي عظمت ۽ شرف و فضيلت کي ظاهر ڪرڻ مقصود آهي ورنه ته
سڀئي مهينا الله پاڪ جا ئي مهينا آهن ۽ فتاويٰ عالمگيري ۾ تحرير آهي ته محرم
الحرام جو روزو رکڻ مستحب آهي. (فتاويٰ عالمگير ڪتاب الصوم الباب الثالث ج 1 ص 202)
Comments
Post a Comment