نظم : رجب آزاد

سنڌڙيءَ جو وڌايو تو اچي مان قلندر،

اچي درد جو هاڻي ڪر درمان قلندر

وک وک تي رهن ويري ۽ هامان قلندر

بجليءَ جو ٿيو ڪيڏو آ بحران قلندر

انسان کي وڃي سمجهيو ٿو حيوان قلندر

شهباز سخي سيد ذيشان قلندر

جنهن ديس کي بخشيو ٿو وڏو مان قلندر

تنهن ديس ۾ لٽجي پيو انسان قلندر

اڄ توکان امن جو ٿا گهرون دان قلندر

ٿئي جلد هتي امن جو اعلان قلندر

ظالم جي ڪُکين ۾ ڪو لڳي ڪانُ قلندر

شهباز سخي سيد ذيشان قلندر

اميد جي گلشن جا سڀئي گلڙا ڪو ماڻا

هن امن جي ڌرتيءَ تي وڌيا جيل ۽ ٿاڻا

جيڪو به ڪڇي تنهن لئه سزا تيار رکي آ

اڏري ويو ڪاڏي هتان امن پکي آ

وک وک تي رکيل تيار آ زندان قلندر

شهباز سخي سيد ذيشان قلندر

رجب آزاد