روزو بيمثل عبادت آهي
احڪامِ روزه
مؤلف
حضرت مولانا مفتي نعيم الله هاليجوي غفرله
--------
روزو
بيمثل عبادت آهي
-------
ارشاد نبوي ﷺ آهي:
عَنَ اَبِیۡ اُمَامَۃَ قَالَ قُلۡتُ یَا رَسُوۡلِ اللہ صلی اللہ علیہ
وسلم مُرۡنِیۡ بِاَمۡرٍ یَنَفَعُنِیَ اللہُ بِہ قالَ عَلَیۡکَ بِالصَّوۡمِ
فَاِنَّہٗ لاَمِثۡلَ لَہٗ۔ (نساءی شریف ج 2 ص 165 و 166۔ مسند احمد بن حنبل ج 5 ص
249۔ صحیح ابن حبان ص 929۔ 930)
”حضرت ابو امامھ ؓ کان روايت
آهي ته
مون پاڻ ڪريم ﷺ جن کي عرض ڪيو ته مون کي ڪنهن عمل جو حڪم فرمايو، جنهن سان
الله پاڪ مون کي نفعو ڏيئي، پاڻ ڪريم ﷺ جن ارشاد فرمايو ته روزو رکندو ڪر، ان جي
برابر ۽ مثل ڪوئي به عمل نه آهي.“
هن حديث شريف ۾ روزي جي باري ۾ چيو ويو آهي ته
”ان جي برابر ڪوئي عمل
نه آهي.“
يعني نفس کي مغلوب ڪرڻ ۽ ان جي خواهشات کي دٻائڻ جي لحاظ کان چئي سگهجي
ٿو ته انهيءَ صفت ۾ ڪوئي ٻيو عمل روزي جي مثل ۽ برابر نه آهي. لهذا انهيءَ عظيم
ترين عمل کي ضرور اختيار ڪرڻ گهرجي ۽ انهيءَ بينظير عمل کي اختيار ڪندي زياده نفعو
حاصل ڪرڻ گهرجي.
Comments
Post a Comment