ايامِ تشريف ۾ روزا رکڻ ممنوع آهن

احڪامِ روزه

مؤلف

حضرت مولانا مفتي نعيم الله هاليجوي غفرله

--------

ايامِ تشريف ۾ روزا رکڻ ممنوع آهن

-------

ارشاد نبوي ﷺ آهي:

عَنْ نُبَيْشَةَ، الْهُذَلِيِّ قَالَ قَالَ رَسُولُ اللَّهِ صلى الله عليه وسلم   أَيَّامُ التَّشْرِيقِ أَيَّامُ أَكْلٍ وَشُرْبٍ وَذِکۡرِ اللہِ۔ (مسلم شریف کتاب الصوم باب تحریم صوم ایام التشریق و بیان انھا ایام الکل و شرب و ذکر اللہ عَزوجل ج 1 ص 360۔ مسند احمد بن حنبل ج 2 ص 169۔ 174۔ و ج 3 ص 415۔ 451۔ سنن ابن ماجۃ کتاب الصیام باب ماجاء فی النھع عن صیام ایام التشریق ص 124(

”حضرت نُبيشھ هذلي ؓ  کان روايت آهي ته پاڻ ڪريم ﷺ جن فرمايو ته ايام تشريق (يعني 11 ـ 12 ــ 13 ذي الحج جا ڏينهن) کائڻ، پيئڻ ۽ الله پاڪ جي ياد جا ڏينهن آهن.“

عيد الفطر ۽ عيد الاضحيٰ ۽ ايام تشريق ۾ روزو رکڻ کان منع فرمايو ويو آهي ڇو جو اهي کائڻ، پيئڻ جا ڏينهن آهن ۽ انهن ڏينهن ۾ روزا رکڻ منشا الاهيءَ جي مخالفت آهي ۽ قربانيءَ جي ڏينهن ۾ گوياڪه الله پاڪ جي طرف کان مهماني هوندي آهي ۽ اهو انسان وڏو ناشڪرو ۽ وڏو متڪبر هوندو جيڪو الله پاڪ جي ضيافت ۽ مهمانيءَ جي ڏينهن روزو رکي.

۽ ڏهه (10) ذي الحج کان تيرهن (13) ذي الحج تائين روزن رکڻ کي ممنوع قرار ڏنو ويو آهي، هاڻي انهن ڏينهن جا روزا رکڻ عبادت نه بلڪه معصيت ۽ گناهه آهي. 

(فتاويٰ عالمگيريھ ڪتاب الصوم الباب الثالث ج 1 ص 201)

فهرست  Index