دوست جي خط جو جواب
فقير جو پڙ حيدرآباد
1
فيبروري 2019ع
سدا خوش ھجو
دوست مھربان
عمر خان
اسلام عليڪم:
اوھان جو پريت نامو شفا جو پيغام بنجي آيو،
۽ انھي کي پڙھي ايتري ته خوشي ٿي جيڪا بيان ڪرڻ کان ٻاھر آھي اوھان جي دلداري ۽
ھمت افزائي جي ڪري منھنجي اڌ بيماري ته ھلي ويئي ۽ منھنجي دل ۽ دماغ ۾ حيرت انگيز
سگھ ۽ سرھائي محسوس ٿي. اوھان جي سچي دوستي ۽ دلي تعلق جيڪا منھنجي دل تي مُھر
ھنئي آھي، انھي احسان کي سڄي زندگي ۾ ڪڏھن به نه وساري سگھندس. ادا سائين! اخلاص ۽
محبت زندگيءَ جو روح آھن. جن جي وسيلي دوستيءَ جو رشتو مضبوط رھي ٿو.
الله تعاليٰ جي فضل سان ۽ اوھان ڀائرن
جي دُعا سان ھاڻي ڪافي صحت ۾ اضافو ٿي رھيو آھي. البت اڃا ڪمزوري باقي آھي اوھان
جي دعوت اکين تي، جيئن ھيءَ ڪمزوري ختم ٿئي ته خدمت ۾ اچي حاضر ٿيندس.
اوھان جو
پيارو دوست
يوسف
Back to Index
Comments
Post a Comment