زندگی کا مقصد

 ’’نیچے ہو پراڈو، کلائی پر ہو راڈو‘‘

 وہ کون سی ایسی سرگرمیاں ہیں جو آپ کی زندگی کو بامعنی، بامقصد، خوشگوار اور مطمئن بناتی ہیں۔

·      صبح ہوتی ہے شام ہوتی ہے عمر یونہی تمام ہوتی ہے۔

·      جنہیں زندگی میں روٹی کے طواف اور سالن کی تلاش سے ہی فرصت نہ ملے۔

·      جنہیں بجلی بلوں کے جھٹکے ہی نہ سنبھلنے دیتے ہوں۔

·      جن کے لئے گیس کا بل بھی نازیوں کے گیس چیمبرز جیسا ہو۔

ان کے لئے:

·      زندگی کیا؟

·      اس کے معنی کیا؟

·      اس کا مقصد کیا؟

اس کا خوشگوار ہونا یا ناگوار ہونا کوئی معنی نہیں رکھتا۔

ایسے ماحول میں زندگی:

·      زندگی موت کا کنواں ہے جس میں ہاتھ چھوڑ کر موٹر سائیکل کے کرتب دکھائے جاتے ہیں۔

·      زندگی زہر بجھی تلوار کی دھار ہے جس پر اہل و عیال سمیت ننگے پائوں چلنا پڑتا ہے۔

·      زندگی منشی پریم چند کا افسانہ ’’کفن‘‘ ہے۔

آپ پسند کرسکتے ہیں ۔۔۔۔۔۔۔۔۔

آپ زندگی کے بارے میں کیا کہتے ہیں؟