ٽريڪيوفائيٽس جون عام خاصيتون ۽ گروھ

ٽريڪيوفائيٽس جون عام خاصيتون

(1) ٽريڪيوفائيٽس ۾ واسڪيولر تاندورا ھوندا آھن.

(2) واسڪيولر تاندورا ٻوٽي جي جسم ۾ سختي پيدا ڪندا آھن.

(3) ٽريڪيوفائيٽس ۾ اُسريل حقيقي پاڙون ٿڙ ۽ پن ھوندا آھن.

(4) ھي قد ۾ ننڍي ۾ ننڍي قد کان وٺي وڏي قد تائين جا ھوندا آھن.

(5) سمورن ٽريڪيوفائيٽس ۾ نسلن جي مٽاسٽا ٿيندي آھي،

(6) ھنن ۾ اسپوروفائيٽ نسل غالب ۽ مڪمل طور تي آزاد ھوندو آھي.

(7) زائيگوٽ محفوظ ايمبريو ۾ واڌ ويجھ وٺندو آھي.

ٽريڪيوفائيٽس جا گروھ

ٽرڪيوفائيٽس جا ٻه وڏا گروھ

(1) ٽيريڊوفائيٽس (Pteridophytes) ۽

(2) اسپرميٽوفائيٽس (Spermataphytes) آھن.

(1) ٽيريڊوفائيٽس (Pteridophytes)

ٽيريڊوفائيٽس اھي ٻوٽا آھن جن ۾ ٻج پيدا نه ٿو ٿئي انھن کي وري سائيلو سيڊا، لائيڪو سيڊا، اسفينوسيڊا ۽ ٽيروسيڊا گروھن ۾ ورھايو ويو آھي.

(2) اسپرميٽوفائيٽس (Spermataphytes)

اسپرميٽوفائيٽس جا ٻه گروھ جيمنواسپرمس ۽ اينجيو اسپرمس آھن جيمنو اسپرمس کي سائيڪيڊ ۽ ڪونيفيري گروھ ۾ جڏھن ته اينجيو اسپرمس کي ڊائيڪاٽ ۽ مونوڪاٽ گروھ ۾ ورھايو ويو آھي.