جانورن جا اوڄا (Animal tissues)

جانورن جي اوڄن جا قسم ھيٺ بيان ڪجن ٿا.

(1) چمڙيءَ وارا اوڄا (Epithelial tissues)

ھنن اوڄن جا جيوگھرڙا ھڪ سنھي تَھَ ۾ ٿين ٿا ۽ ھڪ ٻئي سان ويجھو مليل ھوندا آھن ھي اوڄا جسم ۾ مٿاڇري جو تَھَ ۽ عضون جون ناليون ٺاھين ٿا. ھي اوڄا غدودن ۾ ٿين ٿا جتي مختلف تَھَ ٺاھين ٿا.

(2) ملائيندڙ اوڄا (Connective tissues)

ھي اوڄا ٻين اوڄن ۽ عضون کي ملائي کين سھارو ڏين ٿا. ھي اوڄا نرم به آھن ته سخت به آھن. چرٻي نرم اوڄو آھي. ڪاٽيليج ۽ ھڏا سخت اوڄا آھن. رت به ھن قسم جو اوڄو آھي جيڪو پاڻياٺ حالت ۾ ھوندو آھي ۽ جسم ۾ مختلف مادن جي ٽرانسپورٽ جو ڪم ڪري ٿو.

(3) مشڪن وارا اوڄا (Muscular tissues)

ھي اوڄا مشڪن جي ريشن جا ٺھيل آھن. ھن ۾ ھر ھڪ مشڪي ريشو ھڪ ڊگھو جيوگھرڙو آھي. جنھن ۾ سسڻ ۽ ڦنڊڻ جي خاصيت ھوندي آھي. جسم ۾ يا عضون ۾ چرپر ھنن اوڄن جي ڪري ٿيندي آھي.

(4) تنتي اوڄا (Neurons tissues)

ھي اوڄا انھن جيوگھررن جا ٺھيل آھن جن ۾نيورانس (Neurons) يا تنتي جيوگھرڙا ٿين ٿا اھي جيوگھرڙا بجليءَ وانگر پيغام پھچائڻ جو ڪم ڪندا آھن. تنتي سرشتي ۾ ھن قسم جا اوڄاٿين ٿا.